goiena.eus

Urriaren 19tik aurrera edukiontzi bidezko hondakinen bilketa sistema Aretxabaletan

 Aretxabaleta

Astelehenean, urriaren 17an, hasiko dira edukiontziak jartzen herriko kaleetan. Bi egun beharko dituzte Udal langileek edukiontzi guztiak dagokien lekuan kokatzeko. Eta eguaztenean, hilaren 19an, edukiontzi bidezko bilketa sistemari ekingo diote.

Urriaren 19tik aurrera edukiontzi bidezko hondakinen bilketa sistema Aretxabaletan
Errefusarendako edukiontziak biltegian. | Ikusi handiago | Argazki originala

Behin edukiontzia jarrita horiek erabil daitezkeela jakinarazi du Unai Elkorok, alkateak: "Hainbat tokitan zintzilikarioak kendu egin behar dira edukiontziok jartzeko, hortaz, derrigorrean erabili behar. Hala ere, astelehen eta martitzenean oraindik pasatuko dira zintzilikariotako ontziak jasotzera. Eguaztenetik aurrera, ez". Alkatearen esanetan bilketa sistema berriak "ondo funtzionatu" beharko luke; gainera, herritarrek "erosotasunean irabazi" egingo dute.

Cesparekin negoziatzen

Sistema aldaketak hainbat atzerapen izan ditu. Azken horien arrazoia da Cespa enpresarekin, zerbitzua ematen duen enpresarekin, adostasunera iritsi nahia langileengan ahalik eta eragin txikiena izateko: "Kamioien ibilbideak aldatu egin dira eta horrek bi langileri eragingo die; hori negoziatzen ibili gara", dio Elkorok.

Txartelak jasotzeko

Hondakin organikoaren eta errefusaren edukiontziak zabaltzeko txartelak beharko dira eta gehienak dagoeneko banatu dituzte. Hala ere, baten batek behar izanez gero Durana kalean dagoen hondakinen informazio bulegora jo daiteke egubakoitzetan (09:30-12:30) edo Mankomunitatera deitu eskatzeko (943-79 33 99).

Erantzunak

Erantzuna | #1

Zorionak Aretxabaleta. Herriak aukeratu du

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa