Duela hiru bat aste batzarra egin zuen Aretxabaletako EH Bilduk, amaitzear dagoen agintaldiaren balorazioa herritarekin partekatzeko. Herritarrek ekarpenak egiteko aukera izan zuten orduan, eta arlo bakoitzerako ekarpenak ere jaso zituzten. Orain arte jasotako ekarpenak gehiago zehazteko, arloz arloko deialdiak egin dituzte orain, eta atzo, astelehena, Hirigintza eta Ingurumena izan zituzten berbeta gai herritarrekin. Asteon beste hiru batzar egingo dituzte.
Gaur, martitzena, Euskara eta Hezkuntza, eta Parte hartzea eta Komunikazioari buruzko proposamenak jasoko dituzte; eguenean, berriz, Kultura eta Kirolari buruzkoak; eta zapatuan, Ongizatea eta Berdintasuna eta Garapen ekonomikoari buruzko ekarpenak jasoko dituzte. Astean zehar arratsaldeko 18:30ean elkartuko dira eta zapatuan 10:00etan, Herriko Plazako EAko kideen lokalean.
Batzarren helburua izango da herri programan joango diren proposamenak ahalik eta zehatzenak izatea, eta herritar eta eragileak animatu dituzte horietan parte hartzera.
Atzoko batzarrean, esaterako, Hirigintza eta Ingurumenari buruzko proposamenak aztertu zituzten. Horien berri ematen du bideoan Itsaso Pagoaga EH Bilduko lantaldeko kideak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak