Lau kirol jarduera antolatu dituzte Emakumearen Asterako

Mirari Altube Arrese 2012ko urr. 8a, 12:39

Martxoak 8… egunero izan dadila! lelopean urriaren 15etik 20ra bitartean egingo duten Emakumearen Astean kirolak ere izango du tokia. Lau jarduera antolatu dituzte: frontenis txapelketa; saskibaloi erakustaldia; eskalada erakustaldia; eta areto futbol saioa. Frontenis txapelketarako aurrez eman behar da izena.

 

Emakumearen aldeko aldarrikapena kirolera ere zabaldu gura du Udalak. Hala, lau jarduera izango dira urriaren 15etik 20ra bitartean:

Frontenis txapelketa:  Iturrigorri pilotalekuan, izena ematen duten bikoteen artean; 15ean hasi eta 19a bitartean kanporaketa partiduak jokatuko dira (18:00).

Izena ematea egiteko bidali mezu bat honako helbidera urriaren 10a baino lehen: kirola@aretxabaleta.net

Saskibaloi erakustaldia: Nesken saskibaloi erakustaldia urriaren 20an, Ibarra kiroldegian (11:00), Eskoriatzako saskibaloi elkartearen laguntzarekin.

Eskalada erakustaldia: Bailarako neska eskalatzaileen erakustaldia urriaren 19an (19:00), Ibarra kiroldegiko rokodromoan.

Areto futbol saioa: Andramari auzuneko areto futbol kantxan futbol saioa/partidua bertatzen diren emakume guztien artean (saio irekia), urriaren 20an (16:00).

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak