Uztailaren 2tik 20ra bitartean egingo diren udaleku irekietan izena emateko epea zabaldu du Udalak. Horretarako azken eguna maiatzaren 14a da, eta antolatzaileek jakinarazi dute ez dutela epez kanpoko izen-ematerik onartuko.
2000-2008 urte bitartean jaiotako neska-mutikoek parte hartu ahal izango dute (2008an jaiotakoek bakarrik goizez) uztaileko udaleku irekietan. Hona ordutegia: 10:00-12:30 eta 15:00-17:00. Adinari egokitutako ekitaldiak egingo dituzte: jolasak, eskulanak, irteerak, egun bereziak…
Izena emateko Gazteria Zerbitzura jo (udaletxeko bigarren solairua) astelehen eta eguaztenetan (09:00-13:00 eta 15:00-17:00); eta Arkupera martitzen eta eguenetan. Argibide gehiagorako ere bertara jo.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.