Donostiatik etorriko diren Galiziako Etxeko kideek olagarroa eta albariño ardoa eskainiko dizkiete aretxabaletarrei. Laudiotik urtero etortzen den San Fernando taldeak Gaztela Leongo jaki goxoenak ekarriko ditu. Logroñoko Arali Elkarteak ere jarriko du postua Herriko Plazan, eta La Rondaya Logroñesa taldearen eskutik Errioxako jotarik dotoreenak entzungo ditugu. Arrasatetik Corazon de Encina elkartea hurreratuko da Extremadurako txitxi-burruntziak, urdaiazpikoa eta erroskillak eskaintzera; eta Euskal Herria Aretxabaletako Aratz atzeratuen elkarteak ordezkatuko du. Jatekoa bakarrik ez dantza erakustaldiak ere egingo dituzte:10:00ak inguruan kalejira eta ondoren plazan.
XI. patxaran Lehiaketa
Patxaran lehiaketa ere egingo dute domekan, XI.a hain zuzen. Egunean bertan, 11:00etatik 14:00etara aurkeztu beharko dituzte patxaran botilak, eta arratsaldean emango dute irabazleen berri epaimahaiko kideek: garaikurra eta dirua jasoko dute. Irabazleen patxaranak antolatzaileen eskuetan geratuko dira, eta gainerakoak herritarrek probatzeko utziko dituzte.