Aretxabaletako organoa 1905ean jarri zuten Jasokundeko Amaren eliza nagusian, 15.000 pezeta ordainduta. Kalitate oneko organoa da, Euskal Herrian Prince izena daraman bakarra, gainera. Horrenbeste urte eta gero baina, zaharberritu beharra dago.
Eginbeharrako lanak oso zehatzak dira eta horregatik artisau on batek egin beharko ditu. Gotzaingoaren, Udalaren eta Foru Aldundiaren laguntza jasoko dute 13.340 euroko gastuari aurre egiteko. Hala ere herritarrei dei egiten diete euren ekarpenak egiteko eta hasi dira etxez-etxe eskaera orriak banatzen.
100 urteko altxorra
Angel Barandiaran herriko abesbatzaren zuzendariak dio ondo zaindu beharreko altxorra dela Aretxabaletako organoa.Eta gure arbasoek utzitako bitxia izanik, gure betebeharra dela zaindu, babestu eta mantentzea ,ondorengoek tresna harrigarri hori goza dezaten.