Orain dela urtetxo batzuk hasi zen Loramendi Euskara Elkartea Euskararen Eguna antolatzen, eta geroztik urtero egin izan dute. Gazta dastatzea, babarrun-jana eta umeendako ekitaldiak izaten dira protagonista, eta aurtengo egitarauan ere halaxe izango dira. Dena dela, aurten herritarren parte-hartzea bultzatu gura izan dute Loramendiko arduradunek jaia indartzeko asmoarekin.
Otala Zelaiko erromeria
Domekan, maiatzak 16, ostera, Otala Zelaiko eguna egingo dute aretxabaletarrek Aozaratza auzoan dagoen zelaian. Aspalditik dator Otala Zelaira erromeria egiteko ohitura, eta eguraldi ona eginez gero behintzat oso giro polita sortzen da. Egitarau txukuna antolatu du Kultura Sailak urtero moduan.
Aurten, gainera, Otala Zelaiko krosa ere domekan egingo dute.