Egubakoitzean hartuko dituzte oporrak herriko ikastetxeetan, baina aurretik Gabonetako ospakizunak egingo dituzte. Santa Rita ikastetxeko umeek bisita izan dute gaur, abenduak 17; Arizmendiko Almen guneko Lehen Hezkuntzako ikasleak izan dituzte, eta Gabonetako kantak abestu dizkiete.
Bihar, abenduak 18, gaztaina erre eguna egingo dute ikastetxean bertan, eta egubakoitzean, abenduak 19, Gabonetako ospakizuna izango dute. Baserritar jantzita joango dira ume guztiak, eta Gabon kantak abestuko dizkiete gurasoei. Olentzeroren bisita jasotzea espero dute, gainera.