Haur eta Lehen Hezkuntzako ikasleendako antolatu dute giza baloreen astea. Aurten, euskal ondarearen inguruko hausnarketa egin eta ikasleekin lantzea gura izan dute Kurtzebarri eskolan: irrintziak botatzen ikasi, euskal jolasak eta abestiak ezagutu, Euskal Herriko mapa egin, euskararen jatorria aztertu eta beste horrenbeste ekintza egiten dabiltza egunotan.
Astea bukatzeko udazkeneko jaia egingo dute abenduaren 4an, eguena. 18:00etatik 20:00etara bitartean hainbat ekitaldi izango dituzte Iturrigorri frontoian:
- Txalapartariak
- Bergarako Moises Azpiazu dantza eskolako Amaia Garitano eta Aitor Miner dantzariek eskainitako dantza ikuskizuna
- II. Irrintzi Lehiaketa
- Bukatzeko, mokadutxoa: buzkantzak, gaztainak, intxaurrak...