Herriko sarreran dagoen Errotetxe baserri ostean industria pabilioia egiteko, lehenengo, plan partziala onartu behar du Udalak. Hurrengo osoko bilkuran egingo du seguru asko, eta orduan jarriko du abian prozesua. Hilabete batzuetako prozesua izango da; behin onartuta eta ezustekorik ez badago lantegia egiten hasiko dira.
Cerrajera Valle Leniz lantegia
Lausitta kalean dagoen Cerrajera Valle Leniz lantegia, bestalde, uste guztien arabera tokiz aldatuko dute. Arrazoiak bi dira: herri barruan egonda kamioiek oso toki gutxi dute lantegira sartzeko eta arazoak sortzen dituzte kalean; eta aspalditik du Udalak lantegia dagoen lurretan etxebizitzak egiteko egitasmoa. Hortaz, CVL lantegiak, seguru asko, Errotetxe ostean egingo duten pabilioian izango du egoitza.