Hainbat ekintza Aramaioko San Martin eskolan Euskararen Eguna ospatzeko

Bazen Behin Aramaixon liburuaren kontakizunetan helduek zein eskolako umeek hartu zuten parte: "Liburua Aramaioko pertsona nagusiei grabatutako kontakizunekin osatu da. Gure helburua izan da herriko tradizioa, ohiturak eta euskalkia gure ikasleei transmititzea eta eurak izatea hurrengo transmisoreak", adierazi dute eskolako arduradunek. 

Etxenausiaren saioa, "ederto"

Sonia Etxenausia aramaioarrak hiru saio egin zituen ipuinak kontatzen, herriko euskalkian: LHko 4., 5. eta 6. mailak lehenik; ondoren LHko 3., 2. eta 1. mailak; eta, bukatzeko, Haur Hezkuntzako taldeak: "Sonia ederto ibili da, umeak erraz erakarri ditu eta denak adi-adi egon dira ipuinei, kantei, esamoldeei, esaera zaharrei... aditzen. Zoragarri!".