San Martin eskolan Gabon ekitaldi mordoa dituzte

Gorka Etxabe 2003ko abe. 18a, 18:34
Aramaioko San Martin eskolan ekitaldi mordoa antolatu dituzte Gabonetarako. Besteak beste, aintzinako sukaldea jarri dute. Herriko erretiratuek eman dizkiete sukaldearen gaineko argibideak ikasle gazteei. Gabon kantak ere abestu ditu San Martin eskolako "Papargorri haur kantariak" abesbatzak.

Aspaldiko sukaldea

Rufina Astola Nafarrate erretiratua gerturatu da gaur goizean Aramaioko San Martin eskolara. Aspaldiko sukaldea jarri dute bertan, eta sukaldearen gaineko argibideak eman dizkie Rufinak San Martingo laugarren mailako ikasleei.

Hamaika tresna erakutsi dizkiete ikasleei. Jatekoak egiteko erabiltzen zituzten lapikoak, orduko jantziak, eta beste zenbait tresna aintzinako sukaldeetan erabiltzen zirenak.

Gainera, gabon kantak ere abestu dituzte "Papargorri haur kantariak" abesbatzako neska mutikoek. Bihar ere festa handia izango dute Aramaioko San Martin eskolako ikasle eta irakasleek. Olentzeroren festa ospatuko dute Aramaion.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak