Ezin zuen bestela izan. Gervasio Legorburu txistulari antzuolarraren hilotzak hain maitea zuen txistuaren doinuz lagunduta egin du gaur elizarako bidea. Une oso hunkigarriak izan dira. Txistulariek ez ezik, arkulariek ere egin diote elizarako bidea. Elizkizuna bukatuta, Agurra dantzatu diote herriko plazan.
Ostegunean hil zen Gervasio Legorburu (1930) Antzuolan. Txistularia zen Legorburu eta makina bat lan egin zuen txistuaren alde Antzuolan. Ez hori bakarrik, dantzarien bultzatzaile nagusia ere izan baitzen.
2003an, Euskal Herriko Txistularien Elkarteak zilarrezko domina eman zion; eta urte berean Herriko Bandera eman zion Antzuolako udalak. 2008an, herriko Oinarin dantza-taldearen omenaldia jaso zuen, Karmele San Sebastianekin batera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
