Udalbatzak aho batez erabaki du Deskarga erreka bideratzeko proiektu egokitua onartzea. Proiektua Enrique Elkoroberezibarrek idatzi zuen Eusko Jaurlaritzaren aginduz.
Gainezkabidea udaletxe atzean
Proiektuaren arabera, udaletxe atzean estalitako gainezkabidea egingo dute. Honek sei metroko zabalera eta bost metroko altuera izango ditu. Ondarreko transformadore ingurutik hasi eta Eperra elkartearen atzeko partera iritsiko da.
Plazan erreka agerian
Plazan lurra altxatu eta erreka kanalizatuko dute. Kanalak lau metro eta erdiko zabalera izango du. Errekaren gainean, udaletxearen aurreko aldean, 19 metroko plataforma bat ipiniko dute eta Euskadiko Kutxaren eta Surpe tabernaren parean pasabide bana, sei metro eta erdi eta bederatzi metrokoak hurrenez hurren. Lanok amaitutakoan plaza urbanizatu egingo dute.
Gertu Gaek ezadostasuna azaldu du
Gertu Gae plataformak proiektu honekiko ezadostasuna azaldu du, besteak beste, erreka bistaraziz plazari duen funtzionalitatea kentzen diolako.