Egubakoitzean hasi zituzten Aratusteetako ekitaldiak herrian. Egun horretan elurra ere egin zigun; zapatuan, berriz, euri zaparradak, etengabe. Domekan, baina, eguraldi ona egin zuen, dantzarien zorionerako.
Egubakoitz arratsaldean, neska-mutikoen txanda izan zen. Mozorrotuta joan ziren denak eskolara, eta handik, frontoira. Torradak eta txokolate beroa zituzten hantxe, askarirako. Ondoren, berriz, Potxin eta Patxin pailazoen emanaldia izan zuten.
Zapatuan, berriz, euripean pasatu zuten eguna mozorrotu zirenek; ez ziren, hala ere, asko izan Antzuolan ibili zirenak. Jende gehiena Bergarara joan zen.
Domekan, baina, eguraldi zoragarria egin zien dantzariei eta giro bikaina jarri zuten herrian. Goizean goizetik, kalean gora eta behera ibili ziren Oinarinekoak. Eguerdian, berriz, dantza saioa egin zuten Herriko Plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak