Kontua da jokalari justuak dituztela taldean; Gainera, gazte mailako taldean ere antzera dabiltzanez, sei bat kadetek, gazteekin jokatu behar izan dituzte hainbat partidu.
Oraingo asteburuan hasiko da bigarren fasea, kopako fasea, eta elkarteko hainbat arduradunek ez dute nahi horrela jarraitzerik. Horregatik, taldea desegiteko aukera mahai gaineratu dute.
Eguaztenean, kadete mailako entrenatzaileek eta jokalariek batzarra egin zuten, eta taldea desegitearen alde azaldu ziren gehienak.
Orain, baina, kirol elkarteko zuzendaritzak hartu beharko du azken erabakia. Horretarako, gaur, egubakoitza, batzarra egingo dute.