Elvira Kortajarena Antzuolako PSE-EEko zinegotziak sari bat jaso berri du ezinduen eskubideen alde egiteagatik. Minusbaliotasuna duten Lagunen Ordezkarien Batzorde Espainiarrak (CERMI) Ohorezko Aulkiarekin saritu du Elvira.
Zinegotzia izateaz gain, Gipuzkoako diputatu ere bada Kortajarena. Diputazioko Ongizate Sailean egindako lanagatik saritu du CERMIk. Batez ere 2004ko Laguntza lege-proiektuari ezarritako zuzenketengatik "ezinduen laneratzearen alde egiten baitute".
Zinegotziak ezinduek oraindik ere bereizketa jasaten dutela eta honek ez diela garatzen uzten salatu du. Horregatik, oztopo eta aurreiritziekin amaitzeko zenbait arau juridiko aldatzeko beharra ikusten du berak.
Bigarren saria da hau
Hau ez da izan Kortajarenak jaso duen lehen saria; Espainiako Hitz Moteltasunaren Fundazioak Zilarrezko domina eman baitzion duela aste gutxi.