Osteguna, irailak 14

10:30

'Emeek emana' erakusketaren bisita gidatua

Bi erakusketa gidatu egongo dira, bata 10:30ean eta bestea 18:00etan.

16:30

Txaloka Ludotekako ekintza bereziak

Foruen enparantzan, 16:30-19:30 (Eguraldi txarra eginez gero azokan)

18:30

Euskaltzaindiaren ibilbidearen gaineko hitzaldia

Aritz Abaroa Cantuarienseren hitzaldia: Euskaltzaindiak hastapenetik gaurdaino. Ibilbidea eta egungo erronkak.  Euskaltzaindiako Ahozko Tradizioko Hizkeren Corpusa egitasmoaren teknikaria da Abaroa.

18:30

Hirix plataforma, aurkezpena

Gailu mugikorretarako aplikazioa da Hirix, eta sare sozial itxura du. Erabilgarri dago. Herritarrendako aurkezpena egingo du udaletxean, 18:30ean, a3rConsulting enpresako Aitor del Hoyok.

21:30

Ostegun Bidaiariak: ""Txile, iparraldetik hegoaldera"

Lau urtean bizi izanda, Iker Zugasti eskoriatzarra Txilen. Hainbat bidaia egiteko eta herrialdearen handitasunaz gozatzeko aukera izan du 2014-2017 urteetan egindako bidaian. Irailaren 14an bidaiaren kontakizuna egingo du Zaldibar antzokian, 21:30ean.

07:00

22:00

Bergarako udako denboraldia

Zapatu honetan, hilak 10, ireki eta irailaren 15era arte egongo dira zabalik Agorrosingo kanpoko igerilekuak. Honako hau izango da ordutegia: ekaineko, uztaileko eta iraileko astegunetan 07:00etatik 22:00etara, eta ekaineko, uztaileko eta iraileko asteburutan zein jaiegunetan eta abuztu osoan, berriz, 09:00etatik 21:00etara.

11:20

20:00

2018ko udal egutegia osatzeko argazki lehiaketa

Euskara Batzordeak herritarrak gonbidatu ditu lehiaketan parte har dezaten. Nobedade nagusia da, 2018an udalerriaren sorreraren 750. urteurrena izanik, argazki zaharrak eta berriak parean jarrita edota irudi zahar eta berri banarekin muntaia eginaz, denboraren joana irudikatu gura dela. Parte hartzaileek argazki bikotea bidali beharko dute, irailaren 25a baino lehen.

12:02

20:00

San Joxepekoen argazki lehiaketa, Kulturaldia ekimenaren barruan

Urrian ospatuko duten Kulturaldiaren barruan antolatu ohi duten argazki lehiaketaren berri eman dute San Joxepe erretiratu elkartekoek. Parte hartu ahal izateko 60 urtetik gorakoak izan beharko dira, gaia librea izango da eta argazkiak aurkeztu ahalko dira urriaren 13ra arte.

18:00

20:00

'Emeek emana' erakusketa

Emakumeak erakusketa honen protagonistak dira, beraien argazkiak eta testigantzak. Gerra eta frankismo garaiko kontakizunak emakumeen aur­pegiekin, emakumeen ikuspegitik. 1936tik aurrera frankismoaren garaiko testuinguru historikoan, emakumeek izan zuten zeregin aktiboa jasotzen da. Ikuspuntu eta ideologia ezberdinetatik, amankomunean dutena bizirik irauteko nahia izan da. Bertan azaltzen dira, besteak beste, gudu eremuaren, erbestearen, tor­turaren, espetxearen, errepresioaren eta bizirik irauteko estrategien in­ guruko narrazio eta bizipenak eta, baita ere, emakumezkoaren ikuspegitik betiere, antolatutako egitura sozialerako planteamendu eta aktibismoa. Erakusketa honekin ahalik eta gehien zabaldu nahi izan dugu asaldaketa, aldaketa eta injustizia handiko garai hartan emakumeek gizartean izan zu­ ten garrantzia erabakigarria.  Emakume anitzek, joera politiko desberdinek, hainbat eremutan ibili­ takoek eta Euskal Herriko zenbait tokitan jaio eta bizitakoek osatzen dute erakusketa hau. Ikuspegi ezberdina eskaini nahi da, errealitatea lubakie­tako borrokatik haratago baitoa. Euskal emakumeen memoriaz, historiaz eta haien sormen eta berritze gaitasunaz dihardu, sekula kontatu ez den eta berreskuratu beharra dagoen historian barrena ibilbidea eginez. Bakerako, berdintasunerako eta giza eskubideetarako hezkuntza de­mokratikoak memoriaren aldeko lana egitea exijitzen du. Lan honek emakumeen bizipenak aitortu nahi ditu, memoria kolektiboan kokatuz. Herriek erreskatatu behar den memoria dutela esan ohi da, tamalez as­ kotan gure historiako kontakizunak gizonen ikuspuntua jaso dute soilik. Beraz memoria partziala jaso da, gizartearen erdia kanpo utzi baita. Erakusketa hau lagunduz Gipuzkoako Foru Aldundiak, emakumeen ikus­ puntua barneratu nahi izan du, memoria osoa izan dadin. Honela, Batzar Nagusiek egindako eskaera betetzen du Emakumea, Gerra, Errepresioa, eta Erresistentzia Emeek emana erakusketa ibiltaria Gipuzkoan zehar he­datzeko.

15:30

20:30

Zizelkatze ikastaroa

Saioak asteazkenero izango dira, lehen taldea 15:30ttatik 18:0tara izango da eta bigarrena 18:00tatik 20:30tara. Izen ematea zizelkatu@gmail.com helbidean egin behar da eta 30€ eta 60€ arteko prezioa izango du.

10:00

21:00

Plazako Dantza Tradizionalen ikastaroak Arrasaten

Urtero bezala, Plazako Dantza Tradizionala ikastaroak antolatu ditu Arrasaten Portaloi elkarteak. Bi talde izango dira: hastapeneko taldea, eta 'beteranoen' dantza-txokoa. Saioak astelehenetan izango dira, urriaren 2an abiatuta, maiatza bitartean: talde berria –1.maila– 18:30etik 19:30era  ariko da eta dantza-txokoa, berriz, 19:30etik 21:00etara. Hainbat dantza eskainiko dira: Lotuan –pasodoblea, baltsa, polka, schottischa, mazurka, boleroa, habanera, tangoa–; soltean– trikitixa, porrusalda, fandangoa, arin-arina–; jauziak; Baztango mutil-dantzak; kontradantzak; ingurutxoak; joko-dantzak, gabotak; braleak Baztango zortzikoa, Bolant dantza, Axuri beltza, Larrain dantza, Txerri dantza... Informazio gehiago eta izen-ematea hilabete honetan, irailean, ondorengo telefonoetara deituta: AEDra –943 77 12 28– edota Gazte Bulegora – 943 25 20 65–. Dantzan ikasi nahi al duzu? Animatu zaitez!

12:53

19:00

Izen-ematea: euskara ikastea edo ikasketa osagarriak

Hiru diru-laguntza mota bideratu ditu Udalak: udal euskaltegitik kanpo euskara ikasten duten bergararrendako diru-laguntza, Udako Euskal Unibertsitatean (UEUn) parte hartzen duten bergararrendako diru-laguntza eta UNEDeko Idazle Eskolak antolatzen dituen modulu eta hitzaldietan parte hartzen duten bergararrendako diru-laguntza. Eskaerak irailaren 15a baino lehen aurkeztu behar dira.

18:00

20:30

Juanjo Lopez Azurmendiren argazkiak

Juanjo Lopez Azurmendiren argazkiak, Aroztegi aretoan, irailaren 8tik 24ra bitartean.

19:30

21:00

Yoga hastapen ikastaroa

Sanatana Dharma Oñatiko Yoga Eskolak antolatuta, irailaren 11tik 14ra eta 18tik 21era.  Informazioa eta izen ematea: 610 953 794 edo yogaonati@gmail.com