Asteazkena, uztailak 26

15:00

Landa inguruneko plastiko bilketa

Batuko den plastiko mota: siloa estaltzeko erabiltzen den plastiko beltza, belar boletan erabiltzen den plastiko beltza, negutegietan eta ortuan lurra estaltzeko erabiltzen den plastiko beltza, negutegiko plastiko zuria. Debagoieneko Landa Garapen Elkarteak zehaztu ditu tokiak eta egunak. Horietako lekuren bat aldatu gura izanez gero honako telefono zenbakira deitu behar da: 943-76 25 47. Tokiak dira: (Arratsaldez utzi behar dira) Zanartu, Zuazola inguruan. Murgialdai, Asentsio ermitan. Olabarrieta, autobus geltokian. Musika Eskola gainaldean.

18:00

Oxirondoko Eguazteneko Azoka

Uztailaren 26an oporren aurreko azken Eguazteneko Azoka egingo da Oxirondoko azokan 18:00etatik aurrera. Baserritarren bertako eta sasoiko produktu eskaintza zabalaz gain, pintxo-poteoa Etxagi tabernaren kontu joango da.

19:00

Lou Topet taldea

Pete Seeger kantari estatubatuarraren espiritua berpizteko sortutako taldearen kontzertua, Kalean egitarauaren barruan.

19:00

'Nola heldu naiz ni honaino?' delako hitzaldia

Kattalin Minerren azken liburuaren inguruko solasaldia, egilearekin berarekin.

19:00

Panta Rhei taldearen antzezlana

Panta Rhei taldeak Astokillo antzezlana eskainiko du Herriko Plazan.

07:00

22:00

Bergarako udako denboraldia

Zapatu honetan, hilak 10, ireki eta irailaren 15era arte egongo dira zabalik Agorrosingo kanpoko igerilekuak. Honako hau izango da ordutegia: ekaineko, uztaileko eta iraileko astegunetan 07:00etatik 22:00etara, eta ekaineko, uztaileko eta iraileko asteburutan zein jaiegunetan eta abuztu osoan, berriz, 09:00etatik 21:00etara.

11:20

20:00

2018ko udal egutegia osatzeko argazki lehiaketa

Euskara Batzordeak herritarrak gonbidatu ditu lehiaketan parte har dezaten. Nobedade nagusia da, 2018an udalerriaren sorreraren 750. urteurrena izanik, argazki zaharrak eta berriak parean jarrita edota irudi zahar eta berri banarekin muntaia eginaz, denboraren joana irudikatu gura dela. Parte hartzaileek argazki bikotea bidali beharko dute, irailaren 25a baino lehen.

12:02

20:00

San Joxepekoen argazki lehiaketa, Kulturaldia ekimenaren barruan

Urrian ospatuko duten Kulturaldiaren barruan antolatu ohi duten argazki lehiaketaren berri eman dute San Joxepe erretiratu elkartekoek. Parte hartu ahal izateko 60 urtetik gorakoak izan beharko dira, gaia librea izango da eta argazkiak aurkeztu ahalko dira urriaren 13ra arte.

19:00

16:00

Santa Ana jaiak eta Basalgo auzoko festak

Boluan, Arriruriagan eta Burdinaten gaur hasiko dira festak eta domekara arte adin eta gustu guztiak asetzeko moduko egitaraua izango dute; Basalgoko egun handia, berriz, uztailaren 25ekoa izango da. Aurten ere bertso bazkaririk ez da faltako; Angel Mari Peñagarikano eta Aitor Mendiluze etorriko dira.

08:00

20:00

Labegaraietako kiroldegia itxita

Udalak jakitera eman duenez, Labegaraietako kiroldegia itxita egongo da aste osoan garbiketa orokorra egin behar dutelako. Kantxan, aldageletan, beirateetan eta bestelako guneetan garbiketa lanak egingo dituzte. Sortu ahal diren eragozpenengatik barkamena eskatu du Udalak aldez aurretik,