Sendabelarrak ezagutzen ikastaroa Loramendiren eskutik. Ekain Martinez Lizarduikoak gidatuko du eta uztailarean 4an eta 6an, egingo dute udaletxe zaharrean (18:00-20:00). Argibide asko emango ditu: noiz eta zela bildu belarrak, zela lehortu eta gertatu…
Zapatu honetan, hilak 10, ireki eta irailaren 15era arte egongo dira zabalik Agorrosingo kanpoko igerilekuak. Honako hau izango da ordutegia: ekaineko, uztaileko eta iraileko astegunetan 07:00etatik 22:00etara, eta ekaineko, uztaileko eta iraileko asteburutan zein jaiegunetan eta abuztu osoan, berriz, 09:00etatik 21:00etara.
Euskara Batzordeak herritarrak gonbidatu ditu lehiaketan parte har dezaten. Nobedade nagusia da, 2018an udalerriaren sorreraren 750. urteurrena izanik, argazki zaharrak eta berriak parean jarrita edota irudi zahar eta berri banarekin muntaia eginaz, denboraren joana irudikatu gura dela. Parte hartzaileek argazki bikotea bidali beharko dute, irailaren 25a baino lehen.
Bergaran dira dagoeneko datozen bi asteetan Mizpirualdeko auzolandegian parte hartuko duten gazteak. Euskal Herritik eta Espainiako hainbat tokitatik etorritako hamabost gazte dira, eta egoitzako egoiliarrekin dinamizazio lana egitea izango da euren egitekoa. Bederatzigarren edizioa da aurtengoa.
Jolly Phonics metodoa erabiliko dute 3 urtetik aurrerako haurrek ingelesa ikas dezaten uztailaren 4ean eta 5ean aurkeztuko duten SuperKids zerbitzu berrian. Arrasateko Araba Etorbideko egoitzan izango dira ekintza guztiak.