Katalin Antxia diseinatzaileak patroigintza eta moda diseinu ikastaro trinkoa eskainiko du uztailean. Uztailaren 3tik 14ra izango dira saioak, Arkupe kultura etxean. Goizetan, 10:00etatik 12:00etara, hasiberriekin egingo du saioa, eta arratsaldetan, 16:00etatik 18:00etara, aurretik ere ikastaroren bat egin dutenentzat. Izen-emate epea zabalik dago ekainaren 30a arte; hona bidea: info@themodubat.com. Prezioa da 90 euro 20 orduko ikastaro trinkoa; plazak mugatuak dira.
Zapatu honetan, hilak 10, ireki eta irailaren 15era arte egongo dira zabalik Agorrosingo kanpoko igerilekuak. Honako hau izango da ordutegia: ekaineko, uztaileko eta iraileko astegunetan 07:00etatik 22:00etara, eta ekaineko, uztaileko eta iraileko asteburutan zein jaiegunetan eta abuztu osoan, berriz, 09:00etatik 21:00etara.