Gatzagarrak ez ezik, Gipuzkoako eta Bizkaiko herrietako jendea ere hurbildu da Gatz Egunaren zortzigarren ediziora. Besteak beste, azokaz, bisita gidatuez edota gaztetxoenentzako ekintzez gozatzeko aukera izan dute Leintz Gatzagara gerturatu direnek, eta hori guztia gutxi balitz, eguraldiak ere eguna borobiltzen lagundu du.

Leintz Gatzagako Gatz Eguna domeka honetan ospatuko da, eta, programaren berri eman zuten, atzo, martitzena, 17:00etan, Gatz Museoan egindako prentsaurrekoan. Bertan batu ziren Azahara Dominguez, Mugikortasuneko, Turismoko eta Lurralde Antolaketako Foru Diputatua, Dorleta Elkorobarrutia, Leintz Gatzagako alkatea eta Debagoieneko Mankomunitateko Lehendakaria eta Aitor Larrañaga, Leintz Gatzagako Udaleko teknikaria.